9 abr. 2013

REUNIÓN DO BNG DO CORGO COAS FAMILIAS AFECTADAS NO CONFLITO DAS MERCEDES

O martes, 9 de abril de 2013, o BNG do Corgo manterá un encontro coas familias afectadas pola conversión do IES das Mercedes en Centro Integrado de Formación Profesional. Será un encontro no Centro Sociocultural do Corgo aberto a todos os que queiran participar.

8 abr. 2013

CONCENTRACIÓN DIANTE DA DA DELEGACIÓN DA XUNTA POLA CONVERSIÓN DO IES DAS MERCEDES

O 5 de abril o BNG apoiou a concentración diante da Xunta de Galiza para reclamar que se manteña a ESO e Bacharelato no IES das Mercedes para non desprazar ao alumnado do Corgo a outros centros
 
O BNG rexistrou o 3 de abril unha solicitude no propio Concello para que se  trate de lograr a mellor solución á problemática que isto xerou para as familias do Corgo
 
O grupo municipal do BNG no Corgo cre que o goberno municipal debe intervir ante unha situación que afecta ao alumnado do Corgo xa que se verán desprazados das Mercedes a outros institutos que están por concretar


Lugo, 5 de abril de 2013. O BNG do Corgo participou esta mañá na concentración que tivo lugar diante da delegación da Xunta de Galiza en Lugo para reivindicar á Consellaría de Educación que non siga adiante co proceso de conversión do IES As Mercedes en Centro Integral de Formación Profesional (CIFP), o que na práctica supón o desprazamento para outros institutos de arredor de 200 alumnos e alumnas, entre eles 70 do Corgo, e 28 profesores de ESO e Bacharelato, tralo malestar e preocupación que está xerar esta problemática entre os pais e nais do alumnado. Ademais do concelleiro nacionalista do Corgo, Xosé Henrique Casanova, tamén participaron na concentración o deputado lucense do BNG no Parlamento Galego, Cosme Pombo, e os concelleiros nacionalistas en Lugo, Antón Bao e Paz Abraira.
 
O BNG esta mesma semana rexistrou no Concello unha solicitude dunha convocatoria de pleno para abordar, con urxencia e entre outros temas, o proceso de conversión do IES As Mercedes en Centro Integral de Formación Profesional (CIFP), o que na práctica supón o desprazamento para outros institutos de arredor de 200 alumnos e alumnas e 28 profesores de ESO e Bacharelato, tralo malestar e preocupación que está xerar esta problemática entre os pais e nais do alumnado.
 
Tal e como expuxo o portavoz do BNG no Corgo, Mario Outeiro, “esta conversión afecta a arredor de 70 alumnos e alumnas do Corgo, que actualmente cursan os seus estudos de ESO e Bacharelato no IES As Mercedes e contan con servizo de autobús e comedor, veranse desprazados cara outros institutos sen que a Consellaría de Educación teña informado de cales van ser. Non entendemos esta maneira de actuar da Consellaría e compartimos o malestar xerado tanto na dirección do centro coma entre os docentes e no alumnado e as súas familias xa que esta decisión non foi nin anunciada nun momento oportuno (case cara finais de curso) nin se tivo en conta para nada a todo o conxunto da comunidade educativa que vai verse afectada, tanto docentes como alumnado. Ademais, a Consellaría de Educación non deu explicacións concretas sobre cal será o destino tanto do profesorado coma do alumnado que está a cursar as ensinanzas que se suprimen e cara que centros da cidade se van a redirixir”.
 
Para Mario Outeiro, “é un tema fundamental que se debe abordar no vindeiro pleno xa que afecta a moitas familias do noso Concello e as forzas políticas estamos para defender aos nosos veciños e veciñas, polo que desde o BNG cremos imprescindíbel que esta problemática se debata no vindeiro pleno”.
 
O portavoz do BNG concluíu que “esiximos unha implicación na procura dunha solución para o alumnado do Corgo que realiza os seus estudos obrigatorios e Bacharelato no IES As Mercedes, porque debemos escoitar as demandas das familias afectadas e actuar defendendo os intereses do noso pobo. O grupo político que represento así o fará porque consideramos que esta situación vén motivada pola falta de interese e desprezo que o PP ten cara o ensino público, sendo capaz de xerar todo este malestar sen consultalo nin sequera antes coa comunidade educativa”.
 

3 abr. 2013

O BNG DO CORGO DEMANDA UN PLENO URXENTE PARA TRATAR A ELIMINACIÓN DE ESO E BACHARELATO NO IES AS MERCEDES

O BNG rexistrou esta mesma mañá unha solicitude no propio Concello para que se trate de lograr a mellor solución á problemática que isto xerou para as familias do Corgo
 
O grupo municipal do BNG no Corgo cre que o goberno municipal debe intervir ante unha situación que afecta ao alumnado do Corgo xa que se verán desprazados das Mercedes a outros institutos que están por concretar
 
O Corgo, 3 de abril de 2013. O BNG do Corgo, a través do seu portavoz, Mario Outeiro, demandou ao do goberno municipal desta localidade, rexistrando no Concello unha solicitude neste sentido esta mesma mañá, unha convocatoria de pleno para abordar, con urxencia e entre outros temas, o proceso de conversión do IES As Mercedes en Centro Integral de Formación Profesional (CIFP), o que na práctica supón o desprazamento para outros institutos de arredor de 200 alumnos e alumnas e 28 profesores de ESO e Bacharelato, tralo malestar e preocupación que está xerar esta problemática entre os pais e nais do alumnado.
 
Tal e como expuxo o portavoz do BNG no Corgo, Mario Outeiro, esta conversión afecta a arredor de 70 alumnos e alumnas do Corgo, que actualmente cursan os seus estudos de ESO e Bacharelato no IES As Mercedes e contan con servizo de autobús e comedor, veranse desprazados cara outros institutos sen que a Consellaría de Educación teña informado de cales van ser. Non entendemos esta maneira de actuar da Consellaría e compartimos o malestar xerado tanto na dirección do centro coma entre os docentes e no alumnado e as súas familias xa que esta decisión non foi nin anunciada nun momento oportuno (case cara finais de curso) nin se tivo en conta para nada a todo o conxunto da comunidade educativa que vai verse afectada, tanto docentes como alumnado. Ademais, a Consellaría de Educación non deu explicacións concretas sobre cal será o destino tanto do profesorado coma do alumnado que está a cursar as ensinanzas que se suprimen e cara que centros da cidade se van a redirixir”.
 
Para Mario Outeiro, “é un tema fundamental que se debe abordar no vindeiro pleno xa que afecta a moitas familias do noso Concello e as forzas políticas estamos para defender aos nosos veciños e veciñas, polo que desde o BNG cremos imprescindíbel que esta problemática se debata no vindeiro pleno”.
 
O portavoz do BNG concluíu que “esiximos unha implicación na procura dunha solución para o alumnado do Corgo que realiza os seus estudos obrigatorios e Bacharelato no IES As Mercedes, porque debemos escoitar as demandas das familias afectadas e actuar defendendo os intereses do noso pobo. O grupo político que represento así o fará porque consideramos que esta situación vén motivada pola falta de interese e desprezo que o PP ten cara o ensino público, sendo capaz de xerar todo este malestar sen consultalo nin sequera antes coa comunidade educativa”.

21 mar. 2013

O PORTAVOZ DO BNG NO CORGO ACOMPAÑA AOS ALUMNOS DO CORGO AFECTADOS POLO TROCO DO IES AS MERCEDES

O portavoz municipal do BNG do Corgo, Mario Outeiro, acompañou aos alumnos do Corgo afectados pola conversión do IES das Mercedes en Centro Integrado de Formación Profesional. Na mañá do xoves inicíaronse unha serie de mobilizacións apoiadas por profesores do centro, alumnos e familias co fin de que a Consellaría de Educación retroceda na decisión de suprimir a ESO e o Bacharelato do IES das Mercedes, onde van todos os alumnos que previamente estudaron no CEIP do Corgo (aproximadamente 70).


 
MÁIS INFORMACIÓN:
 

O BNG DO CORGO DEMANDA IMPLICACIÓN AO CONCELLO TRALA ELIMINACIÓN DE ESO E BACHARELATO NO IES AS MERCEDES QUE AFECTA AO ALUMNADO DO CORGO

O BNG quere saber se o Concello foi coñecedor desta decisión da Consellaría de Educación e, se non a comparte, que trate de lograr a mellor solución á problemática que isto xerou
 
O grupo municipal do BNG no Corgo cre que o goberno municipal debe intervir ante unha situación que afecta ao alumnado do Corgo xa que se verán desprazados das Mercedes a outros institutos que están por concretar
 
Lugo, 21 de marzo de 2013. O BNG do Corgo, a través do seu portavoz, Mario Outeiro, demanda do goberno municipal desta localidade unha maior implicación sobre o proceso de conversión do IES As Mercedes en Centro Integral de Formación Profesional (CIFP), o que na práctica supón o desprazamento para outros institutos de arredor de 200 alumnos e alumnas e 28 profesores de ESO e Bacharelato.
 
Tal e como expuxo o portavoz do BNG no Corgo, Mario Outeiro, que estivo hoxe no IES As Mercedes para amosar o seu apoio ao equipo directivo e ao conxunto da comunidade educativa do centro, “arredor de 70 alumnos e alumnas do Corgo, que actualmente cursan os seus estudos de ESO e Bacharelato no IES As Mercedes e contan con servizo de autobús e comedor, veranse desprazados cara outros institutos sen que a Consellaría de Educación teña informado de cales van ser. Non entendemos esta maneira de actuar da Consellaría e compartimos o malestar xerado tanto na dirección do centro coma entre os docentes e no alumnado e as súas familias xa que esta decisión non foi nin anunciada nun momento oportuno (case cara finais de curso) nin se tivo en conta para nada a todo o conxunto da comunidade educativa que vai verse afectada, tanto docentes como alumnado. Ademais, a Consellaría de Educación non deu explicacións concretas sobre cal será o destino tanto do profesorado coma do alumnado que está a cursar as ensinanzas que se suprimen e cara que centros da cidade se van a redirixir”.
 
Para Mario Outeiro, “o goberno municipal do Corgo debería ter coñecemento desta problemática xa que afecta a moitas familias do noso concello e agora debería xa estar a propoñer medidas para que esta situación sexa o menos agraviante posible para todos e todas. É unha noticia preocupante xa que nos IES máis próximos: IES Nosa Señora dos Ollos Grandes, IES Lucus Augusti e IES Sanxillao, existen poucas prazas libres tanto na ESO como no Bacharelato”.
 
O portavoz do BNG concluíu que “por todo isto debemos demandar do Concello do Corgo que, de non estar de acordo con esta decisión da Consellaría de Educación, se implique na procura dunha solución para o alumnado do Corgo que realiza os seus estudos obrigatorios e Bacharelato no IES As Mercedes, escoite as demandas das familias afectadas e actúe como se lle pide a unha administración, defendendo os intereses do seu pobo. O grupo político que represento así o fará porque consideramos que esta situación vén motivada pola falta de interese e desprezo que o PP ten cara o ensino público, sendo capaz de xerar todo este malestar sen consultalo nin sequera antes coa comunidade educativa”.

17 mar. 2013

XAVIER VENCE, NOVO PORTAVOZ NACIONAL DO BNG CO 96% DOS VOTOS

 
Xavier Vence foi elexido portavoz nacional do BNG co 96% dos votos: 1.215 votos a favor, 9 en contra e 44 abstencións.
O recén escollido portavoz nacional fixo no seu discurso de clausura da XIV Asamblea Nacional do BNG un chamamento para”superar os reptos que temos por diante”. Agradeceu á militancia a confianza depositada nel, colllo “o repto con ilusión e teño confianza en vós, e cedo van confiar en nós para sacar este proxecto adiante”.
Xavier Vence tivo palabras de agradecemento para o portavoz saínte, Guillerme Vázquez porque “tripulou a nave en momentos moi difíceis”.
 
Folgos para o novo camiño
Avaliou positivamente o esforzo para chegarmos aquí, “fixemos un grande esforzo e unha intensa actividade política nun contexto de reveses electorais e no que a antipolítica se converteu xa no paradigma político do sistema”. Pediu “folgos para o longo camiño” e afirmou que o BNG “sae hoxe de aquí con novas ideas”.
Vence cargou contra o Presidente da Xunta, Núñez Feijoó, “un Presidente sen iniciativa e entregado ao proxecto centralista e conservador da dereita madriñela”. Acusouno de “facer méritos diante da banca para lles facer ver que é de fiar” e mencionou o alcume da súa casa nos Peares, “a casa da Cizaña”. “Feijóo é moi rebelde para incumprir as sentencias que lle desmontan o seu indigno decreto de plurilinguismo pero acata e aplaude coa orellas toda canta lei e decreto sae do plan centralizador de Madrid”.
 
Un BNG renovado para unha nova etapa
O portavoz nacional recén electo afirmou que o “BNG sae hoxe cunha dirección totalmente renovada e moza” e é a solución ao desleixo do PP. O BNG é o ariete fronte ao neoliberalismo. O BNG é o único parapeto valioso contra o centralismo económico e político que nos abafa”.
O portavoz nacional do BNG fixo un chamamento a abrir un proceso de debate social ao que se incorporen todas as organizacións políticas, sindicais, sociais, ecoloxistas, feministas, estudantís, xuvenís, culturais, deportivas, veciñais, redes sociais, relixiosas, medios de comunicación, asociacións profesionais, empresariais, clubes de todo tipo e todas as persoas integrantes do pobo galego, unha a unha.
 
Necesidade de unir o nacionalismo
Apelou á necesidade de unir o nacionalismo: “Cada quen co seu perfil e coa súa impronta habemos erguer conxuntamente un debate vivo e mobilizador que contribúa a elevar a conciencia nacional do país”. E afirmou que a primeira tarefa é convencer a “certo nacionalismo de que a soberanía non é un asunto meramente cultural, lingüístico ou identitario. A soberanía é poder gobernarnos nós mesmos, democraticamente, sen dependencias alleas”.
Recalcou a importanza de estar na loita social, nos movementos sociais, e mencionou o tema das preferentes, os desafiuzamentos, a defensa da sanidade pública, ensino público e defensa da lingua.
Vence salientou a relevancia da unidade do nacionalismo e as relacións coas demáis forzas políticas, “temos que ser quen de manter a unidade de acción con todos os movementos sociais e forzas de esquerda, temos que partillar unha folla de ruta con todas as forzas nacionalistas e temos que explorar fórmulas de colaboración estratéxica con toda as forzas nacionalistas, que respectando o principio de autoorganización teñan vocación de construir un polo nacionalista maioritario na sociedade e nas institucións.
Puxo en destaque “os inmensos reptos que nos estamos a marcar” e advertiu: “ou nos comportamos como unha equipa unida ou pareceremos frustrados. Por iso cómpre mudar estilos e modais”, e asegurou que “cultivando bos sentimentos contaxiaremos ilusións”.
O portavoz nacionalista enfatizou que “cómpre situar o debate soberanista no terreo do realismo e do pragmatismo”. “Galiza ten hoxe os recursos, a experiencia, os coñecementos, a capacidade de xestión e mesmo a arquitectura institucional esencial para facérmonos cargo dos nosos problemas e enxergar as solucións máis acaídas aos nosos intereses”.
Así, insistiu na necesidade de que Galiza teña plena soberanía fiscal para recadar todo tipo de impostos e poñelos ao servizo do benestar dos galegos e galegas. “Precisamos soberanía para estabelecermos as prioridades de gasto público, para deseñar nós as infraestruturas, para pór en marcha políticas agrarias, pesqueiras, industriais e terciarias autocentradas, e para preservar a nosa lingua”.

12 mar. 2013

ACTO INFORMATIVO SOBRE SANIDADE

 

Para o BNG a saúde e a atención sanitaria é un dereito que os gobernos teñen que preservar, promover e potenciar. Polo que a saúde e a atención sanitaria ten ser pública, gratuíta, universal, accesible e de calidade. Mais mágoa que esta non sexa a filosofía nin a ideoloxía de quen ten responsabilidades na materia tanto no goberno do estado como no goberno da xunta é dicir o PP, que tratan de tronzar a sociedade en ricos e pobres, nunha sanidade para quen teña cartos e unha atención de beneficencia para quen non poida pagar.
 


Para o BNG a Atención Primaria, é dicir, os Centros de saúde e os Puntos de Atención Continuada (urxencias), son o eixo fundamental do Sistema Público Galego de Saúde, son a porta de entrada onde máis se garante a accesibilidade, equidade e uso racional dos recursos por iso cando tivemos responsabilidades de goberno na Xunta puxemos en marcha o "Plan de Mellora da Atención Primaria" que o PP tirou ao lixo e empezou co "Plan de recortes, devastación e proxecto de privatización paulatina da Atención Primaria":
  • Os orzamentos dende 2009 a 2012 diminúen en 188 millóns de euros.
  • O abandono do "Plan de Mellora da Atención Primaria" supuxo non construír novos centros de saúde.
  • Supresión das substitucións dos profesionais o que provoca atrasos nas citas e masificación na atención.
  • Non inversión en recursos materiais, humanos e tecnolóxicos.
  • Peche de unidades de saúde e outras que están en estudo como os Centros de Saúde ou os Puntos de Atención Continuada (PAC).
 
A Atención Especializada, tanto a Hospitalaria como a de Consultas Externas dentro do Sistema Público Galego de Saúde, ten que ser áxil, accesible e dar unhas prestacións de calidade que garantan un diagnóstico veraz, un tratamento axeitado para a mellor curación, recuperación, rehabilitación e integración das persoas á súa vida cotiá. Na nosa comarca contamos dende hai 2 anos cun novo hospital que o BNG reivindicou dende finais dos anos 80 e que por desgraza non evitou que os doentes teñan que percorrer quilómetros para facer probas ou recibir tratamentos (p.ex.: radioterapia); ou ter un diagnostico tardío (medicina nuclear), ou non ter unha segunda oportunidade como é o caso do Servizo de hemodinámica no que o tempo é de vital transcendencia.

Mentres os recortes na Atención Especializada foron de 22 millóns de euros, investiuse moito máis diñeiro na privada. No Hospital de Lugo seguen pechadas 210 camas e enferm@s seguen derivándose a establecementos privados; así no ano 2011 a privada constounos máis de 27 millóns de euros. No 2012 fixeron que pagásemos por equipamento electromédico (existe servizo no hospital) 34 millóns de euros. Pola dixitalización das Historias, 3 millóns de euros. A establecementos privados (sanatorios), na provincia e fóra dela, arredor de 500.000 euros ao mes, e un longo etc.

As medidas de recortes do PP sobrecargan as economías das familias, provocan desigualdade e todos os efectos adversos nos máis desfavorecid@s:
  • Pago farmacéutico para @s pensionistas (lembrar que as retribucións dos pensionistas en Lugo son as máis baixas do estado).
  • Eliminación de moitos fármacos: mucolíticos, antidiarreicos, desconxestivos, etc. (cando para enfermos crónicos son vitais para manter unha mínima calidade de vida).
  • Suprimen produtos dietéticos e suplementos, imprescindíbeis para persoas con problemas de alimentación polas diversas patoloxías.
  • Deixan sen cobertura sanitaria @s maiores de 26 anos que non teñan cotizado.
  • Pago do trasporte sanitario non urxente (persoas que van a diálises, rehabilitación, quimioterapia ou outras necesidades que xurdan a persoas coa mobilidade reducida).
  • Pago de ortoprotésica e de axuda a mobilidade (muletas, cadeiras de rodas, andadores, collaríns, etc.).
 
Non é pouco pero están en estudo mais medidas pola mesma senda e dende o BNG apelamos @s veciñ@s que non nos podemos resignar, que temos que revelarnos e loitar contra o desmantelamento do estado de benestar que construímos tod@s e que tanto nos custou. Por UNHA SAÚDE E UNHA ASISTENCIA SANITARIA PÚBLICA, UNIVERSAL, GRATUITA E DE CALIDADE.

XIV ASEMBLEA NACIONAL DO BNG

 
 
Se queres ter máis información do desenvolvemento da Asemblea Nacional do BNG preme AQUÍ.

10 mar. 2013

10 DE MARZO: DÍA DA CLASE OBREIRA GALEGA


PLENO EXTRAORDINARIO: 7 DE MARZO DE 2013


 
No pleno extraordinario do 7 de marzo de 2013 o BNG presentou as seguintes iniciativas:

  • Moción para evitar o peche de oficinas de Novagalicia Banco no medio rural galego. Con esta moción, aprobada por unanimidade, o BNG esixe ao goberno Popular do estado e da Xunta de Galiza (donos de Novagalicia Banco) o mantemento de oficinas, como a do concello do Corgo, que prestan un inestimábel servizo na zona rural (máxime no Corgo cando é a única entidade bancaria do concello).
  • Moción para a derrogación da Lei de taxas xudiciais. O goberno popular impediu mediante lei que a xustiza fose gratuíta. Deste xeito vai haber moita xente que con poucos recursos económicos renuncie á tutela xudicial por non poder pagala. A moción quedou rexeitada cos votos do PP.
  • Rogo sobre a construción da escola infantil do Corgo. O BNG do Corgo volve a esixir que a Xunta de Galiza materialice dunha vez por todas o proxecto de escola infantil. Porén, segue sen consignar nin un só euro nos orzamentos do 2013, rexeitando incluso unha emenda presentada no Parlamento Galego polo BNG co fin de dotala de fondos.
  • Rogo sobre transparencia municipal. O BNG solicita que o goberno municipal faga público o contido dos plenos na páxina web do concello.
  • Rogo sobre a vixilancia e a conservación das estradas municipais.
  • Pregunta sobre futuras medidas de racionalización de recursos respecto dos servizos que na actualidade presta o PAC do Corgo.
  • Pregunta sobre as traídas de augas.

8 DE MARZO: DÍA DA MULLER


O BNG DEMANDA MÁIS TRANSPARENCIA MUNICIPAL

Segundo o CIS, a clase política sitúase, como problema, na cota máis alta da democracia. Os continuos casos de corrupción e a xudicialización da política son factores que levan á cidadanía a afastarse dos seus representantes electos. É pois o momento de que as institucións públicas fagan un exercicio claro de transparencia e de proximidade ao pobo.
 
Na actualidade as tecnoloxías da información e da comunicación ofrécennos ferramentas que a un moi baixo prezo permiten unha ampla difusión de información, como as páxinas web. Deste xeito, xa hai moitas institucións na nosa provincia que empregan a devandita ferramenta para facer público o contido dos plenos, véxanse a Deputación Provincial de Lugo ou concellos, moi semellantes ao noso en poboación, como o de Outeiro de Rei (institucións locais gobernadas polos tres partidos maioritarios).
 
O Concello do Corgo celebra os plenos ordinarios os xoves a media mañá. Esta circunstancia tampouco axuda a que veciños poidan achegarse ás sesións plenarias como espectadores. Porén, dende hai anos o concello dispón de sitio web en internet, http://www.concellodocorgo.net.
 
Por todo isto, o grupo municipal do BNG do Corgo presentou o seguinte ROGO
 
1.    Que se faga público o contido dos plenos do concello do Corgo na súa páxina web, tanto en vídeo, como colgando convocatorias e as actas aprobadas de plenos anteriores.

ESCOLA INFANTIL: ETERNA DEMANDA D@S VECIÑ@S

O venres, día 4 de febreiro do 2011,  publicábase no Boletín Oficial do Estado o convenio de colaboración entre o Ministerio de Educación e a Comunidade Autónoma de Galicia para o financiamento de prazas públicas de primeiro ciclo de educación infantil no marco do  chamado “PLAN EDUCA 3. 2010”.

Este é un plan que arrinca no 2008, no que o Estado, a través do Ministerio de Educación, colabora coa Xunta de Galicia (aportando 5.276.696 euros para este período), para a creación de prazas do primeiro ciclo de educación infantil (de 0 a 3 anos) no que se establecen políticas de cooperación entre as distintas administracións, incluídos os concellos, para asegurar a oferta educativa neste ciclo; respondendo, ademais, a necesidade de conciliar a vida familiar e laboral das nais e pais, independentemente do seu lugar de residencia, coa atención e coidado dos seus fillos.

Neste convenio  aparecía, entre outros, o concello do Corgo, para creación dunha escola infantil cunha oferta de 20 prazas figurando como administración titular a Xunta de Galicia.

Dado que hai máis de dous anos que se asinou e publicou oficialmente este convenio, preocúpanos que nos orzamentos da Xunta de Galiza para o 2013, non só non apareza ningunha contía para este fin, senón que o Partido Popular rexeitara unha emenda aos orzamentos presentada polo deputado do BNG por Lugo, Cosme Eladio Pombo para a construción da devandita Escola Infantil.

Por todo isto, o grupo municipal do BNG do Corgo presentou o seguinte ROGO

1.   Que o Concello do Corgo, e nomeadamente o seu alcalde, fagan os trámites oportunos ante a Xunta de Galicia co fin de que O Corgo poida contar a curto prazo cunha Escola Infantil de 0 a 3 anos.

O EQUIPO DE GOBERNO NON EXERCE CONTROL EFECTIVO SOBRE AS ESTRADAS DE TITULARIDADE MUNICIPAL

O uso indebido das estradas de titularidade municipal e o nulo control por parte do concello fan que con cartos públicos, é dicir, de todas as veciñas e os veciños do Corgo, se teñan que pagar arranxos innecesarios para manter nun estado óptimo de conservación a rede de estradas propiedade do concello do Corgo.
 
Isto acontece dun xeito habitual durante a extracción de madeira nos nosos montes, xa que a maiores de meter vehículos de gran tonelaxe, almacénase madeira en lugares inapropiados, durante grandes espazos de tempo, sen acondicionar posteriormente o terreo.
 
Por todo isto, o grupo municipal do BNG do Corgo presentou o seguinte ROGO
 
1.    Que se vixíe o mal uso de estradas municipais co fin de garantir unha conservación óptima da rede de estradas de titularidade do concello do Corgo.

O BNG DO CORGO PREGUNTA SOBRE A AMPLIACIÓN DA REDE DE SUBMINISTRO DE AUGA POTÁBEL

O deterioro da calidade das augas provenientes dos pozos particulares por diversas vías de contaminación xunto con períodos de seca cada vez maiores fan das traídas de auga municipais un dos servizos máis importantes e demandados que poden ofrecer as entidades locais.

A zona do concello do Corgo que se distribúe a carón da estrada Nacional VI conta dende hai anos con este demandado servizo. Porén, hai innumerábeis zonas do noso concello sen subministro público de auga potábel que ven agravado o seu problema, nos meses de agosto e setembro, coa seca dos seus pozos particulares.

Por todo isto, o grupo municipal do BNG do Corgo presentou a seguinte PREGUNTA

1.   Ten previsto o concello do Corgo aumentar a rede de subministro de auga potábel?
2.   Se así é, en que lugares se vai a proceder a realizar a ampliación?

6 mar. 2013

MOCIÓN PARA EVITAR O PECHE DE OFICINAS DE NOVAGALICIA BANCO NO MEDIO RURAL GALEGO

A semana pasada, Novagalicia Banco fixo público o peche dunhas 131 oficinas, repartidas por todo o estado, como inicio do plan de axuste derivado do rescate europeo e tras o cuarto expediente de regulación de emprego aprobado polos sindicatos maioritarios. Desas 131 oficinas, segundo datos desvelados pola entidade, 49 atópanse en Galicia: 18 na provincia de Ourense, 13 na Coruña, 12 en Pontevedra e outras 6 en Lugo. As clausuras comezarán xa no mes de abril, e desenvolveranse ata xuño, con outras oficinas como receptoras deses clientes. Este é o comezo dunha serie de peches no futuro e que afectarán con máis intensidade na zona rural galega.

Dáse a circunstancia de que a única entidade bancaria que opera no Corgo actualmente é Novagalicia Banco polo que un futuro peche da oficina situada no noso concello representaría a perda dun servizo imprescindíbel para a poboación, dadas as características demográficas, sociais e económicas do concello cunha parte da poboación moi avellentada, sen capacidade de acceso a outros tipos de banca e unha dispersión xeográfica que dificulta moito o desprazamento a outras localidades para acceder a estes servizos.

Hoxe por hoxe a sucursal de Novagalicia Banco é un dos principais axentes dinamizadores da economía do Corgo, non só polo servizo que presta a empresas e negocios senón polo efecto vertebrador que indirectamente ten sobre o sector servizos da economía local. Así pois, a perda deste servizo suporá un paso moi importante para aumentar a espiral de sangría demográfica dun concello rural como é o noso.

Por todo isto, o grupo municipal do BNG do Corgo solicitará no Pleno da Corporación municipal do día 7 de marzo a adopción do seguinte ACORDO

1.    Instar aos accionistas de referencia de Novagalicia Banco S.A., Goberno de España e Xunta de Galiza a que garantan a actual rede de oficinas no rural galego.

2.    Dar traslado do presente acordo ao Presidente da Xunta de Galiza e o Presidente do Goberno do Estado.

MOCIÓN PARA A DERROGACIÓN DA LEI DE TAXAS XUDICIAIS

O pasado 17 de decembro de 2012 entraron en vigor as taxas xudiciais, logo de aprobárense os formularios de aplicación da Lei 10/2012, do 20 de novembro. Dita Lei grava a interposición de demandas en toda clase de procesos nos ámbitos civil e contencioso - administrativo, ademais dos recursos no eido social, con contías desproporcionadas, cuxos incrementos oscilan entre os 50 e os 750 euros, que incluso poden verse aumentadas en función da contía do preito xudicial.

As novas taxas xudiciais foron rexeitadas por unha ampla representación do sector xurídico, tanto profesionais como funcionarios e funcionarias da administración de xustiza, así como asociacións de consumidores e consumidoras, sindicatos e asociacións e colectivos de toda índole. Desde a súa entrada en vigor, sucedéronse as protestas de practicamente todo o colectivo que presta os seus servizos na administración de xustiza, polas dificultades que engade no acceso da cidadanía a dito servizo público, sen que leven aparelladas outras reformas necesarias para mellorar a súa eficacia.

A Corporación municipal debe defender o acceso de todos os seus veciños e veciñas a un servizo público esencial, como é a xustiza, ao comprobarse que transcorridos apenas dous meses desde a entrada en vigor das taxas xudiciais universais, o sistema xudicial volve a ter unha barreira de acceso que vulnera o principio de igualdade. De feito, o descenso de asuntos nos xulgados é acusado, como comeza a desprenderse das estatísticas xudiciais.

Coas taxas xudiciais en vigor, a solicitude de tutela xudicial pola cidadanía queda condicionada pola súa condición económica ou posición social, dado que as taxas xudiciais non se calcularon en función do nivel de renda, nin moito menos cunha formulación equitativa e redistributiva.

Por todo isto, o grupo municipal do BNG do Corgo solicitará no Pleno da Corporación municipal do día 7 de marzo a adopción do seguinte ACORDO

1.    Instar á Xunta de Galiza para que demande do Goberno do Estado a derrogación da Lei 10/2012, que regula determinadas taxas no ámbito da administración de xustiza.

2.    Dar traslado do presente acordo ao Presidente da Xunta de Galiza, Presidente do Goberno do Estado e Ministro de Xustiza.

O BNG INTERÉSASE POLO FUTURO DO PAC DO CORGO

Tralas declaracións efectuadas pola xerente do SERGAS, Nieves Domínguez, que afirmou que o seu departamento está analizando todas as posibilidades para mellorar a eficiencia do sistema galego de saúde, hai certa preocupación tanto na cidadanía como entre os profesionais polo futuro dos Puntos de Atención Continuada (PACs) do rural.

Tendo en conta a dispersión e o envellecemento do noso rural estes centros sanitarios de proximidade vólvense indispensábeis e aínda que estatisticamente non sexan moi concorridos, non significa que sexan innecesarios.

Tendo en conta que detrás de moitos estudos de eficiencia efectuados polos gobernos do PP aparecen novos recortes en servizos públicos, é por isto polo que o BNG do Corgo presentou a seguinte PREGUNTA:

Ten constancia o Sr. Alcalde de futuras medidas de racionalización de recursos respecto dos servizos que na actualidade presta o PAC do Corgo, por parte da Consellaría de Sanidade?

A WEB DO BNG DO CORGO VOLVE A FUNCIONAR

Ano e medio despois, o BNG do Corgo pode gabarse dunha intensa actividade política (boletíns informativos publicados, moitas mocións, rogos e preguntas presentadas en pleno, varios actos informativos realizados, colaboración con colectivos co fin de realizar obras de interese veciñal, notas de prensa...), pero do que non está orgulloso é da nula actividade da súa páxina web.

Comeza hoxe unha nova era na estratexia comunicativa do BNG do Corgo, onde a internet será obxectivo prioritario. Nel agardamos darvos comprida información da nosa actividade política en prol dos intereses das veciñas e veciños do Corgo.

Non dubides en poñerte en contacto connosco para trasladarnos a túa inquedanza:
  • Mario Outeiro Iglesias (portavoz municipal): 626 73 93 90
  • Xosé Henrique Casanova Sánchez (concelleiro): 699 17 01 70
  • Mª Concepción Cruz Pallares (concelleira): 639 86 64 80
  • Xurxo Xosé Rodríguez Lozano (responsábel local): 636 50 11 84
Tamén o podes facer enviando un correo electrónico a: bng.ocorgo@gmail.com.

MOITAS GRAZAS POLA TÚA CONFIANZA!!!